Ант эткенмен
Ант эткенмен, сёз
бергенмен миллет ичюн ольмеге,
Билип, корип миллетимнинъ козь яшыны
сильмеге.
Бильмей, корьмей бинъ яшасам,
Къурултайгъа хан болсам,
Кене бир кунь мезарджылар келир мени
коммеге.
Ант эткенмен,
миллетимнинъ джарасыны сармагъа,
Насыл болсын эки къардаш бир-бирини
корьмесин?
Онлар ичюн окюнмесем, мугъаймасам,
яшасам,
Козьлеримден акъкъан яшлар дерья-денъиз
къан болсын.
Ант
эткенмен, шу къарангъы юрткъа шавле
сепмеге,
Насыл болсын бу заваллы къардашларым
инълесин?
Буны корип усанмасам, мугъаймасам,
янмасам,
Джирегимде къызыл къанлар къайнамасын,
къурусын.
|
